Þið eruð reknir -allir 400 þúsund

Ríkisstjórn Libyu ætlar að reka rúmlega þriðjung opinbera starfsmanna sinna úr embætti. Það eru um 400 þúsund manns. Tilgangurinn er sá að draga úr opinberum útgjöldum og örva einkaframtakið í landinu.

Ekki verða menn þó settir á Guð og gaddinn, því hinum brottreknu verða tryggð laun í þrjú ár, eða lán til þess að stofna fyrirtæki. Það eina sem Libýumenn flytja út í dag, er olía.

Moammar Gaddafi, leiðtogi landsins notar hvert tækifæri sem honum gefst til þess að gagnrýna ríkisstjórn sína fyrir að stóla í blindni á olíuna. Hann vill byggja upp útflutningsiðnað í landinu og fjölga stoðunum undir efnahag Libyu.