Stýrivextir lækka á Taílandi

Seðlabanki Taílands hefur ákveðið að lækka stýrivexti um 19 punkta í 4,75 prósent með það fyrir augum að blása í glæður efnahagslífsins og auka bjartsýni neytenda. Stýrivextir hafa ekki lækkað í Taílandi í hálft ár en eftirspurn hefur minnkað í kjölfar minnkandi verðbólgu.

Bjartsýni neytenda í landinu hefur að sama skapi ekki verið upp á marga fiska undanfarið en um er að kenna hernum sem tók völdin í sínar hendur í september í fyrra og röð hryðjuverka um áramótin.

Þá hafa erlendir fjárfestar sömuleiðis lýst yfir áhyggjum sínum vegna nýlegra tilburða stjórnvalda til að hefta erlenda hlutabréfaeign og lækka gegni bahtsins, gjaldmiðils Taílands.