Átök í Líbanon

Vígamenn múslima og líbanskar hersveitir börðust í dag í suðurhluta Líbanon og þurftu hundruð manna að flýja heimili sín vegna þess. Hefur fólkið meðal annars leitað sér hælis í moskum nálægt heimilum sínum. Samkvæmt heimildum meiddust tveir hermenn þegar á þá var skotið við leit í bíl og varð það upphafið að átökunum.

Líbanski herinn var að leita að flóttamanni í röðum vígamanna á þessum slóðum og er því talið að þeir hafi verið búnir að undirbúa árásina á hermennina.