Braust inn og kláraði barinn

Þjófur í Kaliforníuríki í Bandaríkjunum skildi eftir fleiri vísbendingar en hafði ætlað sér því hann fékk sér nokkra drykki úr barnum í húsinu sem hann braust inn í og drapst því næst áfengisdauða á stofugólfinu.

Þjófurinn var víst heimilislaus maður og braust inn í þeim tilgangi að fá sér að éta. Fékk hann sér baunir og sá þá barinn og fékk sér við það nokkra gráa. Þeir virðast hafa verið honum um megn því þegar lögregla mætti á staðinn hafði hann vafið um sig teppi og lá meðvitundarlaus á stofugólfinu.

Breska blaðið Metro skýrir frá þessu á vefsíðu sinni.