Karlar og konur keppa saman 5. júní 2007 05:00 Hart er barist í utandeildinni í knattspyrnu. Þessi mynd er úr leik CCCP og Hjörleifs. Í utandeildinni fá margir útrás fyrir knattspyrnuáhugann án þess að það éti upp allan frítímann. Deildin er öllum opin. Utandeildin í knattspyrnu er hafin. Þar etja um 600 knattspyrnuáhugamenn í 33 liðum kappi í þremur riðlum og bítast um deildartitil og bikartitil. Deildin er ætluð þeim fjölmörgu aðdáendum knattspyrnu sem vilja spila á stórum velli í ellefu manna liði en hafa ekki áhuga, tíma eða getu til að spila með liðum sem taka þátt í Íslandsmótinu. Hver sem er getur skráð lið til leiks í utandeildinni þótt of seint sé að taka þátt í sumar. Reglurnar eru hefðbundnar nema hvað spilað er í tvisvar 40 mínútur, engar hömlur eru á fjölda leikmanna á varamannabekk og ótakmarkaðar skiptingar mega eiga sér stað. Einn dómari dæmir leiki og því ekki vænlegt að spila rangstöðutaktík fyrr en í úrslitakeppninni, en þá bætast línuverðir í hópinn. Deildin er opin bæði konum og körlum og þótt karlar séu í yfirgnæfandi meirihluta eru nokkur lið með konur innanborðs. Enn hefur ekkert lið skipað fleiri konum en körlum tekið þátt en einu sinni verður allt fyrst. Liðin leggja mismikið upp úr þjálfun leikmanna en flestir taka þátt gamansins vegna. Deildin er getuskipt og þó að getan nái ekki nema hálfa leið upp í áhugann eiga allir raunhæfan möguleika á að ná í einhver stig, eða í versta falli skora nokkur mörk. Mest lesið Handlagin hjón selja tvær eignir í sögulegu farandshúsi Lífið Var ekki að lifa lífinu heldur að þrauka það Lífið Kolféll fyrir New York en sér íslenska náttúru í hillingum Lífið Sú elsta í sögu Ungfrú Ísland glímdi við átröskun og varð minnst 39 kíló Lífið Kjalar ástfanginn í tvö ár Lífið Tónlistarbransadrottning selur miðbæjarslotið Lífið Nýju Harry, Ron og Hermione fundin Bíó og sjónvarp Óttar keypti 320 milljóna króna þakíbúð Lífið Enginn til ama á hátíðinni Tíska og hönnun Alda Karen keppir í hermiakstri Lífið
Í utandeildinni fá margir útrás fyrir knattspyrnuáhugann án þess að það éti upp allan frítímann. Deildin er öllum opin. Utandeildin í knattspyrnu er hafin. Þar etja um 600 knattspyrnuáhugamenn í 33 liðum kappi í þremur riðlum og bítast um deildartitil og bikartitil. Deildin er ætluð þeim fjölmörgu aðdáendum knattspyrnu sem vilja spila á stórum velli í ellefu manna liði en hafa ekki áhuga, tíma eða getu til að spila með liðum sem taka þátt í Íslandsmótinu. Hver sem er getur skráð lið til leiks í utandeildinni þótt of seint sé að taka þátt í sumar. Reglurnar eru hefðbundnar nema hvað spilað er í tvisvar 40 mínútur, engar hömlur eru á fjölda leikmanna á varamannabekk og ótakmarkaðar skiptingar mega eiga sér stað. Einn dómari dæmir leiki og því ekki vænlegt að spila rangstöðutaktík fyrr en í úrslitakeppninni, en þá bætast línuverðir í hópinn. Deildin er opin bæði konum og körlum og þótt karlar séu í yfirgnæfandi meirihluta eru nokkur lið með konur innanborðs. Enn hefur ekkert lið skipað fleiri konum en körlum tekið þátt en einu sinni verður allt fyrst. Liðin leggja mismikið upp úr þjálfun leikmanna en flestir taka þátt gamansins vegna. Deildin er getuskipt og þó að getan nái ekki nema hálfa leið upp í áhugann eiga allir raunhæfan möguleika á að ná í einhver stig, eða í versta falli skora nokkur mörk.
Mest lesið Handlagin hjón selja tvær eignir í sögulegu farandshúsi Lífið Var ekki að lifa lífinu heldur að þrauka það Lífið Kolféll fyrir New York en sér íslenska náttúru í hillingum Lífið Sú elsta í sögu Ungfrú Ísland glímdi við átröskun og varð minnst 39 kíló Lífið Kjalar ástfanginn í tvö ár Lífið Tónlistarbransadrottning selur miðbæjarslotið Lífið Nýju Harry, Ron og Hermione fundin Bíó og sjónvarp Óttar keypti 320 milljóna króna þakíbúð Lífið Enginn til ama á hátíðinni Tíska og hönnun Alda Karen keppir í hermiakstri Lífið