Líf og fjör á vorhátíð

Vorhátíð Laugarneshverfis hefst klukkan 14 í dag. „Þetta er sannkölluð fjölskylduhátíð þar sem börnin eru í forgrunni,“ sagði séra Hildur Eir Bolladóttir, prestur í Laugarneskirkju, sem verður kynnir á hátíðinni.

Að hátíðinni koma fjölmargir aðilar. Barnakór Laugarness, undir stjórn Maríu Magnúsdóttur, treður upp í fyrsta sinn og börn af leikskólum hverfisins syngja saman. Þorvaldur Halldórsson syngur og Svavar Knútur syngja, unglingar úr Laugalækjarskóla flytja tónlist í safnaðarheimili kirkjunnar, fimleikafélagið Ármann verður með sýningu og nemendur úr Laugarnesskóla sýna dans auk þess sem sunnudagsskólinn verður á sínum stað. Starfsmenn Þróttheima stýra leikjum og foreldrafélög skólanna sjá um pylsu- og kaffisölu.

Klukkan 20 verður argentíska messan Misa criola, eftir Ariels Ramírez, í Laugarneskirkju. Kór Laugarneskirkju syngur í athöfninni og Örn Anarson og Guðlaugur Viktorsson syngja einsöng. Hljómsveitina skipa Tómas R. Einarsson, Ómar Guðjónsson, Matthías M.D: Hemstock og Gunnar Gunnarsson.