Erlent

Geta bjargað jörðinni frá árekstri

Bruce Willis gerði það árið 1998, í myndinni Armageddon. Fleiri hetjur hafa gert það í ýmsum kvikmyndum í gegnum árin; forðað því að risastórir loftsteinar rækjust á jörðina og eyddu þar öllu lífi. Bandaríska geimferðastofnunin telur sig færa um að leika það eftir.

Þær leiðir sem aðallega hafa verið ræddar eru annarsvegar að senda kjarnorkueldflaug og sprengja loftsteininn í loft upp, ef svo má að orði komast. Hinsvegvar að senda geimfara og láta þá koma fyrir eldflaugahreyflum sem ýta loftsteininum framhjá jörðinni.

Vísindamenn segja að hvort tveggja sé vel mögulegt. Það þurfi ekki nema agnarlitla kjarnorkusprengju til þess að sprengja loftstein og ýta svo við molunum að þeir fari framhjá jörðinni.

Sömuleiðis þurfi ekki meira afl en er í venjulegum fjölskyldubíl til þess að ýta loftsteini sem vegur einn milljarð tonna, af stefnu. Miðað við að vísindamenn geta þegar séð fyrir, með margra ára fyrirvara, hvort loftsteinn stefni jörðinni í hættu, er þetta líklega martröð sem mannkynið getur lagt á hilluna.

 

Erlent

Mest lesið


Fleiri fréttir

Sjá meira


×

Mest lesið