Lánshæfisfyrirtækið Moody's hefur gefið út lánshæfiseinkunn Aaa fyrir nýja skuldabréfaútgáfu ríkissjóðs Íslands til fimm ára að fjárhæð 1 milljarður evra eða 90,80 milljarða íslenskar krónur. Horfur fyrir lánshæfismatið eru stöðugar.
Í tilkynningu frá Kauphöll Íslands segir að lánshæfiseinkunn nýju skuldabréfaútgáfunnar sé sú sama og er í gildi fyrir ríkissjóð Íslands, þ.e. Aaa fyrir skuldbindingar í innlendri og erlendri mynt.
