Tvö Íslandsmet fallin í dag

Íslandsmeistaramótið í sundi í 25 metra laug hófst í dag og eru þegar fallin tvö Íslandsmet. Sigrún Brá Sverrisdóttir úr Fjölni bætti eigið Íslandsmet í 200 metra flugsundi um eina sekúndu þegar hún kom í mark á tímanum 1 mínútu og 19,34 sekúndum. Þá setti kvennasveit Ægis Íslandsmet í 4x50 m skriðsundi á tímanum 1 mín og 49,56 sekúndum.

Mótið stendur yfir alla helgina og eru flestir sterkustu sundmenn landsins saman komnir í Laugardalnum þar sem þeir keppa að því að ná lágmörkum inn á Evrópumeistaramótið í byrjun næsta mánaðar.