Dirk Kuyt meiddur

Sóknarmaðurinn Dirk Kuyt hjá Liverpool verður hugsanlega ekki með hollenska landsliðinu í vináttuleiknum gegn Englendingum í Amsterdam annað kvöld, eftir að ökklameiðsli sem hafa hrjáð hann síðustu vikur tóku sig upp að nýju.

Kuyt meiddist upphaflega á ökkla í landsleik Hollendinga og Búlgara fyrir mánuði, en hefur staðið sig ágætlega með Liverpool í síðustu leikjum. Hann þurfti að hætta á æfingu með landsliðinu í dag vegna sársauka í ökklanum, en enn hefur ekki verið tekin endanleg ákvörðun um það hvort hann verður með annað kvöld.

Þessi tíðindi vekja væntanlega litla hrifningu hjá Rafa Benitez, knattspyrustjóra Liverpool, en hann var óhress meða að fá leikmanninn seint til Englands eftir að hann meiddist fyrir mánuði.