Hagnaður bandarísku verslanakeðjunnar Wal-Mart á þriðja fjórðungi ársins nam 2,7 milljörðum dala eða tæpum 187 milljörðum íslenskra króna. Þetta er 11,5 prósenta aukning á milli ára. Afkoman í Bandaríkjunum var slök en þeim mun betri í öðrum löndum.
Hagnaðurinn jókst einungis um 8 prósent á heimamarkaði fyrirtækisins í Bandaríkjunum en jókst um heil 34 prósent í öðrum löndum á tímabilinu.
Þetta er ennfremur talsvert yfir væntingum greiningaraðila á Wall Street.
