Kínverski tölvuframleiðandinn Lenovo skilaði 43,09 milljóna dala hagnaði á fyrri helmingi rekstrarársins, sem lauk í septemberlok. Þetta svarar til 2,9 milljarða króna sem er 53 prósentum minna en fyrir ári. Samdrátturinn er að mest kominn til vegna kaupa Lenovo á tölvuframleiðsluhluta IBM í fyrra.
Hagnaður Lenovo, sem er þriðji stærsti tölvuframleiðandi í heimi og framleiðir m.a. ThinkPad fartölvur, nam 91,2 milljónum dala eða 6,2 milljörðum króna á sama tíma í fyrra.
Lenovo hefur ráðandi stöðu á kínverska tölvumarkaðnum en er veikt fyrirtæki á heimsmarkaði þrátt fyrir gott vörumerki. Greiningaraðilar spá því að staða Lenovo á alþjóðlega tölvumarkaðnum verði áfram veik enda þarf fyrirtækið að etja kappi við sterka keppinauta.
Stjórn Lenovo segir líkur á að hagnaður aukist ekki næstu þrjú árin.
Hagnaður Lenovo minnkar um helming

Mest lesið

Færri fara til Bandaríkjanna en fækkunin hvað mest frá Íslandi
Viðskipti erlent

Álögur ríkisins á bankana lendi að miklu leyti á almenningi
Viðskipti innlent

Þriggja ára fangelsi og tveggja milljarða sekt
Viðskipti innlent

Stofnandinn búinn að eignast Mandi á ný
Viðskipti innlent


Fyrsta íslenska grænkera ostagerðin í hættu
Viðskipti innlent

Að tilkynna vinnufélaga til lögreglu
Atvinnulíf

Matvælastofnun gerir ekki athugsemdir við kjötvinnslu í Álfabakka
Viðskipti innlent

Kínverjar svara fyrir sig og hækka enn tolla á bandarískar vörur
Viðskipti erlent
