Kviknaði í eldhúsi á Akureyri

Slökkviliðið á Akureyri var kallað út á sjötta tímanum í dag þar sem reyk lagði úr íbúð í fjölbýlishúsi við Keilusíðu á Akureyri. Sjúkrabíll, dælubíll og körfubíll voru strax sendir á staðinn. Reykkafarar fóru inn í íbúðina og leituðu að fólki en íbúðin reyndist mannlaus. Talið er að kviknað hafi í út frá eldavél sem straumur var á. Þegar slökkviliðið kom á staðinn logaði í pappír og í eldhúsviftu.

Reykræsta þurfti íbúðina og urðu talsverðar skemmdir á innréttingu í eldhúsi af völdum elds og sóts.