Fannst látinn í klefa sínum í Norrænu

Fjörtíu og fjögurra ára íslenskur karlmaður fannst látinn í klefa sínum um borð í ferjunni Norrænu, skömmu áður en skipið kom til hafnar í Færeyjum fyrir tæpri viku.

Að sögn lögreglufulltrúa í Þórshöfn bendir ekkert til átaka eða að eitthvað utan að komandi hafi valdið dauða hans. Tveir klefafélagar hans hafi ætlað að vekja hann við komuna til Þórshafnar en þá séð hvers kyns var og látið vita.

Fyrstu niðurstöður krufningar í Þórshöfn benda til innvortis blæðinga vegna gats á milta en lögreglufulltrúinn vildi engu slá föstu um það hvort þær væru banameinið. Hins vegar væri honum kunnugt um að maðurinn hefði lent út af og velt bíl sínum einhvers staðar á Íslandi á leið sinni í Norrænu á Seyðisfirði fyrir viku.

Maðurinn einhleypur en lætur eftir sig þrjú börn. Hann var búsettur í Danmörku.