Hagnaður bandaríska leikfangaframleiðandans Mattel nam 239 milljónum bandaríkjadala á þriðja fjórðungi ársins. Þetta jafngildir rúmum 16,2 milljörðum króna og nokkuð umfram væntingar. Helsta ástæðan er aukin sala á Barbie-brúðum.
Þetta er ennfremur 6,1 prósentu aukning frá sama tíma í fyrra.
Þá hefur sala á brúðum sem slógu í gegn í sjónvarpsþáttunum Sesame Street einnig aukist nokkuð, sér í lagi ný gerð af brúðunni TMX Elmo sem getur hlegið og slegið á hné sér.
