Lögreglubíll valt eftir árekstur

Tveir lögreglumenn meiddust, en þó ekki alvarlega, þegar lögreglubíll þeirra valt eftir árekstur við fólksbíl á Grensásvegi, á tólfta tímanum í gærkvöldi, en engan sakaði í fólksbílnum. Lögreglumennirnir voru á leið í útkall í söluturn í Fellahverfi í Breiðholti, þar sem maður hafði ógnað stamfsmanni með hnífi og krafist verðmæta. Ræninginn hvarf þó tómhentur af vettvangi út í stolinn bíl, þar sem vinkona hans beið, en skömmu síðar umkringdu aðrir lögreglumenn bílinn og handtóku fólkið. Það gistir fangageymslur og verður yfirheyrt í dag, en lögreglumenninrir fengu að fara heim af slysadeild eftir aðhlynningu þar