Mörg hundruð þúsund stuðningsmenn vinstrimannsins Andres Manuels Lopez Obrador komu saman í miðborg Mexíkó-borgar í gærkvöldi til að mótmæla úrslitum forsetakosninganna í Mexíkó fyrr á þessu ári.
Lopez Obrador laut í lægra haldi fyrir hægrimanninum Felipe Calderon og var afar mjótt á mununum. Síðan þá hefur Lopez Obrador sagt svik í tafli.
Stuðningsmenn vinstrimannsins segjast ætla að standa á bak við hann í baráttunni við Calderon út kjörtímabilið og ekki viðurkenna hann sem næsta forseta. Ekki kom til átaka á mótmælafundinum.
