Röskun á flugi vegna veikinda áhafna

Röskun hefur orðið á flugi á milli Reykjavíkur og Ísafjarðar og höfuðborgarinnar og Egilsstaða í gær og í dag. Ástæðan er veikindi hjá áhöfnum. Að sögn Ingu Birnu Ragnarsdóttur, markaðsstjóra Flugfélags Íslands, þurfti að seinka flugi til Ísafjarðar í gær um eina og hálfa klukkustund og í morgun um fjórar klukkustundir, og sameina þurfti tvö flug til Egilsstaða í gærdag. Flug til Ísafjarðar klukkan hálffimm í dag verður hins vegar á áætlun, líkt og í gær. Inga segist ekki muna eftir því að áður hafi þurft að fresta flugi vegna veikinda áhafnarmeðlima.