Excel fimmta stærsta ferðasamsteypa Bretlands

Excel Airways Group, dótturfélag Avion Group, er fimmta stærsta ferðasamsteypa Bretlands samkvæmt opinberum tölum breskra flugmálayfirvalda. Þar er miðað við seldar ferðir á árunum 2005 til 2006.

Fram kemur í tilkynningu frá Acion Group að Excel Airways hafi fengið leyfi fyrir 40 prósent fleiri farþega í ár en í fyrra og vegna þess hafi fyrirtækið farið úr áttunda sæti í það fimmt. Á árinu 2005/2006 seldi Excel Airways Group rúmlega milljón ferðir en á árunum 2004/2005 voru seldar ferðir hátt í 800 þúsund.