Ginobili tryggði heimsmeisturunum sigur

Bakvörðurinn snjalli Manu Ginobili var maðurinn á bak við sigur heimsmeistara Argentínu á Frökkum 80-70 í opnunarleik liðanna á HM sem fram fer í Japan. Ginobili skoraði 25 stig fyrir lið Argentínu og Andres Nocioni skoraði 18 stig, en franska liðið var án Tony Parker sem er fingurbrotinn og tekur ekki þátt í mótinu.

Dirk Nowitzki reyndist heimamönnum of stór biti til að kyngja þegar Þjóðverjar skelltu Japönum 91-70 fyrir framan troðfulla höll í Hiroshima. Nowitzki hitti úr sex fyrstu skotum sínum og skoraði 27 stig og hirti 10 fráköst.