Fjórði sigur Federer í röð á Wimbledon

Roger Federer varð í dag Wimbledon-meistari í tennis, fjórða árið í röð, þegar hann lagði Spánverjann Rafael Nadal í úrslitaleik 6-0, 7-6 (7-5), 6-7 (2-7) og 6-3. Federer hefur verið í gríðarlega góðu formi á mótinu og undirstrikaði í dag að hann er besti tennisleikari heimsins.

Leikurinn stóð yfir í 2 klukkustundir og 50 mínútur, en eftir frábæra byrjun Federer náði baráttuglaður Nadal að koma nokkuð til baka í leiknum. Þrátt fyrir að Federer sé í raun óumdeildur konungur í tennisheiminum um þessar mundir, var þetta þó aðeins annar sigur hans á Nadal í átta leikjum. Federer er aðeins sjöundi maðurinn í sögu Wimbledon til að vinna mótið fjögur ár í röð.