Íslenska karlalandsliðið gerði í kvöld jafntefli við Dani 34-34 í síðari æfingaleik liðanna í Laugardalshöllinni. Íslenska liðið var yfir allan leikinn en missti niður forskot sitt í lokin og þurfti að sætta sig við jafntefli. Ólafur Stefánsson var besti maður vallarins og skoraði 7 mörk og gaf fjölda stoðsendinga fyrir íslenska liðið, sem heldur til Svíþjóðar í fyrramálið.
Jafntefli við Dani
