Öruggur sigur Sebastien Loeb

Franski ökuþórinn Sebastien Loeb sem ekur á Citroen vann öruggan sigur í mexíkóska rallinu sem lauk í kvöld. Loeb varð 48,9 sekúndum á undan næsta nanni, Norðmanninum Petter Solberg, fyrrverandi heimsmeistara á Subaru en Frakkinn stakk af á 12. sérleið og gaf ekkert eftir þaðan af.

Austurríski ökuþórinn Manfred Stohl varð þriðji á Peugeot á 4mín og 30 sekúndum á eftir Loeb.

Eftir Mexíkórallið er Loeb stigahæstur í heimsmeistarakeppninni með 26 stig eða fimm stigum á undan Finnanum Marcus Gronholm sem varð áttundi í rallinu sem lauk í kvöld.