Icelandic Group segir upp öllum starfsmönnum í Hamborg

Icelandic Group, sem áður hét Sölumiðstöð hraðfrystihúsanna, hefur sagt upp öllum 22 starfsmönnum söluskrifstofunnar í Hamborg, vegna endurskipulagningar og í sparnaðarskyni, segir í tilkynningu frá félaginu. Í sömu tilkynningu segir að Icelandic Group muni áfram sinna öflugu sölu- og markaðsstarfi í Þýskalandi. Meðal þeirra sem sagt var upp er Sturlaugur Daðason, framkvæmdastjóri skrifstofunnar í Þýskalandi, sem starfað hefur hjá félaginu í rúm 30 ár.