McGrady skoraði 41 gegn Bucks

Tracy McGrady skoraði 41 stig fyrir lið sitt Houston í góðum sigri liðsins á Milwaukee á útivelli í nótt 97-80. Houston hefur gengið skelfilega í vetur og hefur liðið að mestu verið án þeirra McGrady og Yao Ming, en McGrady undirstrikaði mikilvægi sitt fyrir liðið í nótt. Michael Redd skoraði 21 stig fyrir Milwaukee.

Atlanta vann Indiana 104-94. Joe Johnson skoraði 28 stig fyrir Atlanta, en Jermaine O´Neal var með 24 hjá Indiana. Boston lagði New Orleans 91-78. Ricky Davis skoraði 32 stig fyrir Boston, en David West skoraði 21 fyrir New Orleans.

Denver lagði Toronto 107-101. Carmelo Anthony skoraði 37 stig fyrir Denver en Mike James var með 22 fyrir Toronto.

Utah lagði New Jersey 89-78. Richard Jefferson skoraði 22 stig fyrir New Jersey og Jason Kidd var með þrennu, 17 stig, 12 fráköst og 10 stoðsendingar. Hjá Utah var Andrei Kirilenko stigahæstur með 21 stig og hirti 12 fráköst og Mehmet Okur var með 18 stig og 13 fráköst.

Loks vann LA Clippers góðan sigur á Golden State 96-93 á útivelli. Elton Brand skoraði 28 stig fyrir Clippers, en Jason Richardson setti 30 fyrir Golden State og Troy Murphy skoraði 16 stig og hirti 20 fráköst.