Sharapova komst áfram í undanúrslit

Rússneska tenniskonan Maria Sharapova, komst í dag áfram í undanúrslit á opna ástralska meistaramótinu í tennis sem fram fer í Melbourne. Sigraði hún andstæðing sinn, Nadiu Petrovu, 7-6, 8-6 og 6-4. Þetta var í þriðja sinn sem Sharapova og Petrova mætast í átta liða úrslitum á stórmóti og hefur Sharapova ávallt unnið sigur. Hún var að vonum ánægð með sigurinn. ,,Við höfum ávallt keppt mjög jafna og spennandi leiki og það var eins í dag. Ég er bara ánægð að ég skuli hafa náð að sigra og sé komin áfram á mótinu."