Leiðir með fjórum höggum

Kylfingurinn Chad Cambell hefur fjögurra högga forystu eftir annan daginn á Bob Hope Classic mótinu sem er liður í PGA-mótaröðinni. Campbell fór hringinn á 66 höggum á öðrum degi mótsins en daginn áður hafði hann farið hringinn á einungis 63 höggum. Í öðru sæti er Pat Perez sem lauk leik á 73 höggum í gær eftir að hafa leikið frábærlega á fyrsta degi og komið inn á 60 höggum. Campbell lék allar átján holur gærdagsins án þess að fá skolla. Þrátt fyrir mikinn vind náði hann að setja niður sex fugla á hringnum.