Bardaga Castillo og Corrales frestað

Þriðja bardaga þeirra Diego Corrales og Luis Castillo hefur verið frestað eftir að Corrales meiddist á æfingu á dögunum, en meiðsli hans munu þurfa nokkrar vikur til að jafna sig. Því verður ekki af því að þeir mætist aftur 4. febrúar eins og til stóð.

Fyrsti bardagi þeirra félaga í maí á síðasta ári var bardagi ársins og er þegar orðinn sígildur, en þá sigraði Corrales á rothöggi í tíundu lotu eftir að hafa verið sleginn tvisvar niður í sömu lotu, sem sannarlega fer í sögubækurnar.

Þeir mættust svo aftur í haust, þar sem Castillo sigraði örugglega, en uppskar ekki belti fyrir sigurinn því hann náði ekki tilsettri þyngd fyrir bardagann.