Akureyri fallegasti bærinn

Akureyri er fallegasti bær landsins. Þetta er niðurstaða könnunar Fréttablaðsins. Akureyri hlaut 22,4 prósent atkvæða þeirra sem þátt tóku í könnuninni og hlaut því yfirburðakosningu í efsta sæti. Kristján Þór Júlíusson, bæjarstjóri á Akureyri, er rígmontinn með niðurstöðuna þó að ekki komi hún honum á óvart.

Öruggur í öðru sæti er Hafnarfjörður en Lúðvík Geirsson bæjarstjóri segir Hafnfirðinga aldrei ánægða nema með toppsætið. Mesta furðu viðmælenda blaðsins vekur að Kópavogur og Reykjanesbær komast á topp tíu-lista yfir fallegustu bæina.