Spurður út í starfsemi Gaums

Jóhannes Jónsson var yfirheyrður í gær af starfsmönnum embættis Ríkislögreglustjóra vegna rannsóknar á meintum skattalagabrotum er tengjast starfsemi Fjárfestingafélagsins Gaums. Jóhannes er stjórnarformaður í félaginu.

Jóhannes var yfirheyrður í tvo og hálfan tíma í húsakynnum Ríkislögreglustjóra. ¿Ég þurfti að vera í þessu musteri réttlætisins í um tvo og hálfan tíma. Mér finnst með ólíkindum að Jón H.B. Snorrason og Haraldur Johannessen fái að stjórna enn einni aðförinni að mér, fjölskyldu minni og fyrirtækinu sem við tengjumst," sagði Jóhannes.

Jón Ásgeir Jóhannesson, forstjóri Baugs og sonur Jóhannesar Jónssonar, hefur þegar verið yfirheyrður vegna rannsóknar Ríkislögreglustjóra á meintum skattalagabrotum Baugs og Gaums.