Gjaldskrá mun lækka í vor

Vinna er hafin hjá borginni í að samræma heimahjúkrun og heimaþjónustu sem mun koma til lækkunar á gjaldskrá í heimaþjónustu að sögn Jórunnar Frímannsdóttur, formanns velferðarráðs Reykjavíkurborgar. Heimahjúkrun er á hendi ríkisins og heimaþjónusta hjá sveitarfélögum.

"Stefnt er að því að skipta heimaþjónustunni upp á milli annars vegar þrifa og hins vegar félagslegrar þjónustu sem mun sameinast meira heimahjúkruninni." Gert er ráð fyrir að útfærsla af þessari vinnu komi í vor.