Sjö felldir í loftárásum

Ísraelskir hermenn drápu sjö Palestínumenn í loftárásum og bardögum á Gaza í gær. Sex þeirra voru herskáir meðlimir Hamas-samtakanna. Ekki sér fyrir endann á átökum Ísraelsmanna og palestínskra eldflaugasveita sem hófust fyrir fimm dögum.

Forseti Palestínu, Mahmoud Abbas, hefur beðið Sameinuðu þjóðirnar að grípa inn í og stöðva aðgerðir Ísraelsmanna. Þrátt fyrir bardagana segjast palestínskir sáttasemjarar nálægt samkomulagi um myndun nýrrar ríkisstjórnar sem yrði ásættanleg vestrænum ríkjum.