Kosovo-Serbi leitar hælis

52 ára gamall Kosovo-Serbi gaf sig fram við landamæraverði á Seyðisfirði í gærmorgun og óskaði eftir hæli á Íslandi. Hann hafði komið til landsins með farþegaferjunni Norrænu frá Noregi þá um nóttina. Lögreglan tók af manninum hælisskýrslu og hafði samband við Útlendingastofnun sem mun fjalla um umsókn mannsins. Hann var fluttur suður eftir skýrslutöku og dvelur á Fitjum á meðan mál hans er tekið til meðferðar.

Ekki fékkst uppgefið á hvaða forsendum maðurinn leitaði eftir hæli.