Grettir bætir við sig bréfum í Avion

Fjárfestingarfélagið Grettir fór upp fyrir tíu prósenta hlut í Avion Group í fyrradag. Grettir hefur verið duglegur að kaupa í félaginu því, frá byrjun október hefur heildarhlutur félagsins farið úr einu prósenti í 11,5 prósent.

Reikna má með að bréfin hafi verið keypt á genginu 29,5-32 krónur á hlut en hluturinn stóð í 32,6 krónum í gær.

Heildarhlutur Grettis í Avion Group er metinn á 6,7 milljarða króna.

Eigendur Grettis eru Sund (49%), Landsbankinn (35%) og Ópera félag í eigu Björgólfsfeðga (16%).