SPRON 40 milljarða virði

Það eru ekki einvörðungu hlutabréf sem hafa hækkað skarpt á síðustu vikum því stofnfjárbréf í SPRON tóku við sér seinni hlutann í ágúst. Frá því í byrjun ágúst nemur hækkun bréfanna um fjórðungi og má sennilega ætla að gott sex mánaða uppgjör sparisjóðsins hafi ráðið þar miklu um.

Einnig er ljóst að SPRON hagnast verulega á skráningu Existu á markað í næstu viku en sjóðurinn er þriðji stærsti hluthafinn í Existu. Reikna má með að nokkru muni á markaðsvirði bréfanna og bókfærðu virði þeirra.

Markaðsvirði SPRON er því 39,3 milljarða virði ef miðað er við gengið 3,9 á hvert stofnfjárbréf.