Roddick úr leik í Ástralíu

Andy Roddick var sleginn út af Opna Ástralska mótinu í tennis en hann tapaði í fjórum settum fyrir lítt þekktum Kýpurbúa. Marcos Baghdatis lék við hvern sinn fingur og vann Roddick sem er í öðru sæi heimslistans í tennis en Baghdatis er aðeins tvítugur að aldri.

"Þetta er besti leikur sem ég hef spilað," sagði Baghdatis eftir sigurinn. "Ég er algjörlega í mínum eigin heimi og þar næ ég að spila minn besta tennis. Stuðningur áhorfenda hjálpaði líka mikið og ég gæti ekki verið ánægðari með leikinn minn," sagði Kýpurbúinn knái í sjöunda himni eftir viðureignina. - hþh