Renault meistari bílsmiða

Spánverjinn Fernando Alonso á Renault sem á dögunum tryggði sér heimsmeistaratitil ökuþóra í Formúlu 1 kappaksktrinum, gulltryggði Renault, heimsmeistaratitil bílsmiða eftir auðveldan sigur í Shanghai-kappakstrinum í morgun. Renault hampaði titli bílsmiða með 191 stigi. Finnski ökuþórinn Kimi Räikkönen á McLaren varð annar í morgun en lið hans varð í 2. sæti bílsmiða í ár með 182 stig. Í 3. sæti varð Ferrari með 100 stig, Toyota í fjórða með 88 og Williams í fimmta sæti með 66 stig.