Haukar og Fram unnu leiki sína

Íslandsmeistarar Hauka notuðu góðan endasprett til að leggja nýliða Fylkis í DHL deild karla í handknattleik í kvöld. Staðan í hálfleik var 12-8 fyrir Hauka, en þeir skoruðu sitt fyrsta mark í síðari hálfleik ekki fyrr en eftir 17 mínútur, en þá hrökk liðið loks í gang og vann sigur 23-18. Andri Stefan skoraði 6 mörk fyrir Hauka og Samúel Ívar Árnason skoraði 5. Hjá Fylki var Heimir Árnason atvkæðamestur með 6 mörk. Framarar gerðu góða ferð í Hafnarfjörðinn og lögðu FHinga með 26 mörkum gegn 21, eftir að hafa verið yfir í hálfleik, 13-6. Andri Berg Haraldsson var atkvæðamestur í jöfnu liði heimamanna og skoraði 4 mörk, en hjá Fram var Jóhann Gunnar Einarsson bestur og skoraði 6 mörk og átti 4 stoðsendingar.