Hálandaleikarnir á morgun

Íslandsmótið í Hálandaleikum fer fram á Akranesi á morgun, þar sem margir af öflugustu kraftajötnum landsins verða saman komnir á skotapilsum og reyna með sér í fjölda greina. Leikar hefjast klukkan 14 á morgun, laugardag, við Skógræktina á Akranesi. Á meðal keppenda á morgun verða sterkasti maður íslands, Kristinn Óskar Haraldsson, Auðunn "Verndari" Jónsson, Sæmundur Sæmundsson, Unnar Garðarsson, Pétur Guðmundsson, Óðinn Björnsson, Heiðar Geirmundsson og Jens Fylkisson. Keppt verður í steinakasti, staurakasti, sleggjukasti, 28 punda lóðkasti og 56 punda lóðakasti yfir rá.