Fjórir koma inn í hópinn

Íslenska landsliðið í handknattleik mætir Svíum í KA-heimilinu á Akureyri í kvöld en Íslendingar sigruðu Svía í Kaplakrika á mánudagskvöld með 36 mörkum gegn 32. Ólafur Stefánsson, Vignir Svavarsson, Arnór Atlason og Björgvin Gústafsson kom inn í liðið í kvöld en Ásgeir Örn Hallgrímsson, Roland Valur Eradze og Markús Máni Michaelsson hvíla. Svíar mæta án efa grimmir til leiks á Akureyri eftir fjögurra marka tap í fyrri leiknum. Íslenska liðið lék mjög vel gegn Svíum á mánudag og ætlar sér annan sigur á Akureyri. Leikurinn í kvöld, sem hefst klukkan átta, verður lokhnykkurinn í undirbúningi íslenska liðsins fyrir leikinn gegn Hvít-Rússum í undankeppni heimsmeistaramótsins í Kaplakrika á sunnudag.