Vaknar með fulla vasa af hugmyndum 25. apríl 2005 00:01 Daníel Freyr Atlason er 28 ára hugmyndasmiður hjá Íslensku auglýsingastofunni. Það liggur í hlutarins eðli að hann smíðar hugmyndir í auglýsingar en það getur bæði verið erfitt og gríðarlega skemmtilegt. "Hugmyndasmiður er sá sem er oftast ábyrgur fyrir hugmyndum sem verða að auglýsingum. Ég sem hugmyndasmiður þarf að kynna mér viðfangsefnið og viðskiptavininn mjög vel og koma síðan með skemmtilega hugmynd sem ég kynni viðskiptavininum. Oftast ræður viðskiptavinurinn í hvaða miðlum auglýsingin birtist en ég kynni líka fyrir honum skemmtilega miðla sem hægt er að nýta sér og sem vekja athygli almennings," segir Daníel. "Þegar auglýsingin er gerð byrjar ferlið á því að viðskiptavinur talar sig saman með markaðsráðgjafa í sínu fyrirtæki. Markaðsráðgjafi talar síðan við "creative director" hjá auglýsingastofunni sem er eins konar hönnunar- eða hugmyndastjóri. Ég sest síðan niður með hönnuði og yfirmanni mínum og við ákveðum hvaða leið sé sniðugast að fara og "brainstormum" aðeins eins og það er kallað. Því næst kynnum við grófar hugmyndir og nokkrar leiðir fyrir viðskiptavininum og sýnum honum skissur að auglýsingum. Viðskiptavinurinn segir okkur síðan hvaða leið honum líkar best og þá tekur framleiðslustigið á auglýsingunni við," segir Daníel en hann lumar á ýmsum aðferðum við að fá góðar og frumlegar hugmyndir. "Þegar ég fæ verkefni þá sit ég fyrir framan tölvuna, les tímarit eða horfi út í loftið og reyni að fá sniðuga hugmynd. Ég geng líka með bók í vasanum og skrifa oft hjá mér eitthvað sem ég sé. Ég á því lager af hugmyndum sem hægt er að tvinna saman við eitthvað annað." Stundum þarf Daníel aðeins að ýta við ímyndunaraflinu. "Stundum fæ ég mér í glas og daginn eftir vakna ég með fulla vasa af servíettum með skissum og hugmyndum sem ég skil ekkert í," segir Daníel og hlær en nokkrar auglýsingar hans hafa orðið til þannig. "Mér finnst ekkert af því ef ég er alveg strand að fara á barinn eftir vinnu og fá mér einn eða tvo bjóra. Það losar um eitthvað og þá flæða hugmyndirnar yfir mig." "Stundum eru kröfur viðskiptavinarins mjög skrýtnar og það er líklegast það sem er erfiðast við starfið. Ég er líka alltaf í vinnunni. Þegar ég leggst upp í rúm á kvöldin þá hugsa ég um einhverjar hugmyndir að auglýsingu eða hugsa um leiðir til að klippa auglýsingu sem ég er nýbúinn að taka," segir Daníel sem á hugmyndina í auglýsingum eins og 1 sími hjá OgVodafone þar sem stúlka sést ferðast með síma um fjölbýlishús og rífa símasnúruna með sér, Gulla frænka hjá OgVodafone og fótboltaauglýsingin fyrir Landsbankann en þess má geta að Daníel fékk þrjár tilnefningar fyrir auglýsingar sínar á ÍMARK hátíðinni í ár. En hvað lærir maður eiginlega til að verða hugmyndasmiður? "Ég hef eiginlega ekki hugmynd. Ég er menntaður auglýsingafræðingur frá London College of Communication sem er mjög virtur skóli. Þar lærði ég hugmyndafræðina á bak við auglýsingagerð en ekki grafísku hliðina þar sem ég er frekar lélegur á tölvur. Ég lærði meðal annars um kaupendahegðun, aðferðarfræði og höfundarétt. Þar lærði ég ágætis grunn en ég held að það sé ekki hægt að læra að verða hugmyndarsmiður. Þetta snýst mikið um sjálfstraust og maður verður að þora að segja það sem manni finnst. Síðan verð ég alltaf að vera á tánum og fylgjast með nýjustu trendunum," segir Daníel sem dreymir um að komast að hjá stórri auglýsingastofu í London, Amsterdam eða jafnvel New York á næstu árum. Atvinna Mest lesið „Rúrik Gíslason hefur sagt hæ við mig“ Lífið Centro-hjónin selja Beverly Hills-villuna Lífið Það var bannað að hlæja á Kjarval Lífið Eitt rými sem má alls ekki mynda í Alþingishúsinu Lífið Óöruggur eftir að kærastan stundaði hópkynlíf erlendis Lífið Jafet Máni selur íbúð með ræktarsal Lífið Keith sagður kominn með nýja kærustu Lífið Ástarsenur í viku tvö með stórleikaranum Lífið Ertu sauður? Fimm ráð sem geta forðað þér frá hjarðhegðun Lífið Kókaínklásúla í kaupmálanum tryggir Keith rúman milljarð Lífið Fleiri fréttir Heiður að fá að segja sögu kvennanna sem ruddu brautina „Kunna ekki að reikna, kunna svo ekki að skammast sín“ „Stefán er að hengja bakara fyrir að vera ekki smiður“ Sveppi, Ari Eldjárn og Valdimar minnast Róberts Arnar á tónleikum Sakar rithöfunda um að vilja forðast umræðuna Norræni skálinn á heimssýningunni í Osaka hlaut gullverðlaun Fólk vilji ekki bara sjá þetta á Instagram Með Banksy í stofunni heima Afgangsgler fær nýtt líf á sýningu í HAKK gallerý Segir strákum að hætta í bandarísku efni: „Eins og við séum í málhöltu úthverfi í Nebraska“ Innblástur frá handanheiminum Kynorkan alltumlykjandi hjá óléttu óperusöngkonunni Skortur á viðtengingarhætti hjá Laufeyju sé hluti af stærri þróun Uppselt á fimmtíu sýningar á Línu Langsokk Óbeisluð rómantík á örlagaríku stefnumóti Geislandi Vigdís og gat á skónum sem mátti ekki sjást Leikari, óperusöngvarar og sjómaður vilja stýra óperunni Misvel tekið í gjörning Sverris: „Lokkandi beita fyrir niðrandi ummæli“ eða ást á tungumálinu Gamla TR-húsinu umbreytt í Hlemm.haus: „Augljóst að þörfin var gríðarleg“ Nanna Rögnvaldardóttir hlýtur verðlaun Guðrúnar Helgadóttur Stórtónleikar og flugeldasýning að vanda á Ljósanótt Neðanjarðarpartý og menningarveisla fyrir öll vit Sjá meira
Daníel Freyr Atlason er 28 ára hugmyndasmiður hjá Íslensku auglýsingastofunni. Það liggur í hlutarins eðli að hann smíðar hugmyndir í auglýsingar en það getur bæði verið erfitt og gríðarlega skemmtilegt. "Hugmyndasmiður er sá sem er oftast ábyrgur fyrir hugmyndum sem verða að auglýsingum. Ég sem hugmyndasmiður þarf að kynna mér viðfangsefnið og viðskiptavininn mjög vel og koma síðan með skemmtilega hugmynd sem ég kynni viðskiptavininum. Oftast ræður viðskiptavinurinn í hvaða miðlum auglýsingin birtist en ég kynni líka fyrir honum skemmtilega miðla sem hægt er að nýta sér og sem vekja athygli almennings," segir Daníel. "Þegar auglýsingin er gerð byrjar ferlið á því að viðskiptavinur talar sig saman með markaðsráðgjafa í sínu fyrirtæki. Markaðsráðgjafi talar síðan við "creative director" hjá auglýsingastofunni sem er eins konar hönnunar- eða hugmyndastjóri. Ég sest síðan niður með hönnuði og yfirmanni mínum og við ákveðum hvaða leið sé sniðugast að fara og "brainstormum" aðeins eins og það er kallað. Því næst kynnum við grófar hugmyndir og nokkrar leiðir fyrir viðskiptavininum og sýnum honum skissur að auglýsingum. Viðskiptavinurinn segir okkur síðan hvaða leið honum líkar best og þá tekur framleiðslustigið á auglýsingunni við," segir Daníel en hann lumar á ýmsum aðferðum við að fá góðar og frumlegar hugmyndir. "Þegar ég fæ verkefni þá sit ég fyrir framan tölvuna, les tímarit eða horfi út í loftið og reyni að fá sniðuga hugmynd. Ég geng líka með bók í vasanum og skrifa oft hjá mér eitthvað sem ég sé. Ég á því lager af hugmyndum sem hægt er að tvinna saman við eitthvað annað." Stundum þarf Daníel aðeins að ýta við ímyndunaraflinu. "Stundum fæ ég mér í glas og daginn eftir vakna ég með fulla vasa af servíettum með skissum og hugmyndum sem ég skil ekkert í," segir Daníel og hlær en nokkrar auglýsingar hans hafa orðið til þannig. "Mér finnst ekkert af því ef ég er alveg strand að fara á barinn eftir vinnu og fá mér einn eða tvo bjóra. Það losar um eitthvað og þá flæða hugmyndirnar yfir mig." "Stundum eru kröfur viðskiptavinarins mjög skrýtnar og það er líklegast það sem er erfiðast við starfið. Ég er líka alltaf í vinnunni. Þegar ég leggst upp í rúm á kvöldin þá hugsa ég um einhverjar hugmyndir að auglýsingu eða hugsa um leiðir til að klippa auglýsingu sem ég er nýbúinn að taka," segir Daníel sem á hugmyndina í auglýsingum eins og 1 sími hjá OgVodafone þar sem stúlka sést ferðast með síma um fjölbýlishús og rífa símasnúruna með sér, Gulla frænka hjá OgVodafone og fótboltaauglýsingin fyrir Landsbankann en þess má geta að Daníel fékk þrjár tilnefningar fyrir auglýsingar sínar á ÍMARK hátíðinni í ár. En hvað lærir maður eiginlega til að verða hugmyndasmiður? "Ég hef eiginlega ekki hugmynd. Ég er menntaður auglýsingafræðingur frá London College of Communication sem er mjög virtur skóli. Þar lærði ég hugmyndafræðina á bak við auglýsingagerð en ekki grafísku hliðina þar sem ég er frekar lélegur á tölvur. Ég lærði meðal annars um kaupendahegðun, aðferðarfræði og höfundarétt. Þar lærði ég ágætis grunn en ég held að það sé ekki hægt að læra að verða hugmyndarsmiður. Þetta snýst mikið um sjálfstraust og maður verður að þora að segja það sem manni finnst. Síðan verð ég alltaf að vera á tánum og fylgjast með nýjustu trendunum," segir Daníel sem dreymir um að komast að hjá stórri auglýsingastofu í London, Amsterdam eða jafnvel New York á næstu árum.
Atvinna Mest lesið „Rúrik Gíslason hefur sagt hæ við mig“ Lífið Centro-hjónin selja Beverly Hills-villuna Lífið Það var bannað að hlæja á Kjarval Lífið Eitt rými sem má alls ekki mynda í Alþingishúsinu Lífið Óöruggur eftir að kærastan stundaði hópkynlíf erlendis Lífið Jafet Máni selur íbúð með ræktarsal Lífið Keith sagður kominn með nýja kærustu Lífið Ástarsenur í viku tvö með stórleikaranum Lífið Ertu sauður? Fimm ráð sem geta forðað þér frá hjarðhegðun Lífið Kókaínklásúla í kaupmálanum tryggir Keith rúman milljarð Lífið Fleiri fréttir Heiður að fá að segja sögu kvennanna sem ruddu brautina „Kunna ekki að reikna, kunna svo ekki að skammast sín“ „Stefán er að hengja bakara fyrir að vera ekki smiður“ Sveppi, Ari Eldjárn og Valdimar minnast Róberts Arnar á tónleikum Sakar rithöfunda um að vilja forðast umræðuna Norræni skálinn á heimssýningunni í Osaka hlaut gullverðlaun Fólk vilji ekki bara sjá þetta á Instagram Með Banksy í stofunni heima Afgangsgler fær nýtt líf á sýningu í HAKK gallerý Segir strákum að hætta í bandarísku efni: „Eins og við séum í málhöltu úthverfi í Nebraska“ Innblástur frá handanheiminum Kynorkan alltumlykjandi hjá óléttu óperusöngkonunni Skortur á viðtengingarhætti hjá Laufeyju sé hluti af stærri þróun Uppselt á fimmtíu sýningar á Línu Langsokk Óbeisluð rómantík á örlagaríku stefnumóti Geislandi Vigdís og gat á skónum sem mátti ekki sjást Leikari, óperusöngvarar og sjómaður vilja stýra óperunni Misvel tekið í gjörning Sverris: „Lokkandi beita fyrir niðrandi ummæli“ eða ást á tungumálinu Gamla TR-húsinu umbreytt í Hlemm.haus: „Augljóst að þörfin var gríðarleg“ Nanna Rögnvaldardóttir hlýtur verðlaun Guðrúnar Helgadóttur Stórtónleikar og flugeldasýning að vanda á Ljósanótt Neðanjarðarpartý og menningarveisla fyrir öll vit Sjá meira