Aspirín hefur ólík áhrif á kynin

Rannsóknir hafa sýnt fram á að notkun á asperíni í smáskömmtum dregur úr hættunni á hjartaáfalli. Nýleg rannsókn sem gerð var af Hjarta-, lungna- og blóðrannsóknarstofnun Bandaríkjanna sýnir hins vegar fram á að þetta mun frekar eiga við um karlmenn. Þó aspirínið geti varið konur gegn því að fá sitt annað hjartaáfall þá kemur það ekki í veg fyrir hjartaáfall í fyrsta sinn hjá konum undir 65 ára aldri. Rannsóknin stóð yfir í tíu ár og þátt tóku næstum fjörutíu þúsund konur. Helmingur þeirra tók 100 mg af aspiríni annan hvern dag á meðan hinar fengu lyfleysu. Þær sem tóku aspirínið reyndust alveg eins líklegar til að fá hjartaáfall eins og þær sem tóku lyfleysuna. Læknar eru ekki vissir um hvað veldur þessum kynjamun en þessar fréttir eru taldar munu hafa afgerandi áhrif á hvernig læknar meðhöndla konur sem teljast í áhættuhópi fyrir hjartasjúkdóma.