Minnkar líkur á hjartaáfalli

Ein aspiríntafla á dag getur dregið úr líkunum á því að karlmenn fái hjartaáfall. Það sama gildir hins vegar ekki um konur á aldrinum 45-64 ára samkvæmt niðurstöðum nýrrar rannsóknar. Hingað til hafa læknar mælt með því að fólk taki lítið magn aspírins daglega til að draga úr líkunum á hjartaáföllum. Rannsóknir sem sýndu fram á góðan árangur þess byggðu hins vegar nær eingöngu á körlum. Í þetta sinn var aftur á móti ákveðið að prófa efnið á fjörutíu þúsund konum. Aspirín hefur hins vegar þau áhrif á bæði kyn að draga úr líkum á heilablóðfalli.