Jólatré höggvin í Heiðmörk

Skógræktarfélag Reykjavíkur efnir til jólatrjáahátíðar í Heiðmörk á morgun þar sem félagsmönnum gefst færi á að velja sér og höggva jólatré. Stendur hátíðin frá 11 til 15. Hvert tré kostar 4.200 krónur og er innheimt með heimsendum gíróseðlum. Þeir sem standa utan félagsins geta gengið í það á morgun og fengið sitt tré. Forsvarsmenn Skógræktarfélagsins leggja ríka áherslu á að jólatrjáahögg er að öðru leyti bannað í Heiðmörk. Jólatrjáahátíð var haldin í fyrra og tókst vel.