Jólastuð í Borgarleikhúsinu

Gleðin er haldin í Borgarleikhúsinu en þetta er í 22. sinn sem nemendur Kramhússins koma saman fyrir jól og sýna listir sínar. Ýmislegt verður á boðstólum eins og argentínskur tangó, þjóðdansar frá Balkanskaga, funk jazz, hip hop og flamenco. Sérstakur gestur á hátíðinni er alþjóðlegur magadansmeistari, Anna Barner. Einnig mun Birna Þórðardóttir sýna sólódans og dansflokkurinn Lipurtré mun kitla hláturtaugarnar. Kynnir kvöldsins er Kolbrún Halldórsdóttir. Húsið verður opnað kl. 20.00 og skemmtunin hefst 20.30. Aðgangseyrir er 1.500 krónur en forsala aðgöngumiða fer fram í Kramhúsinu, Skólavörðustíg 12, og Borgarleikhúsinu, Kringlunni. Frekari upplýsingar á kramhusid.is og í síma 551 5103.