50% fleiri strákar mjög slakir

Helmingi fleiri strákar en stúlkur í tíunda bekk eru mjög slakir í stærðfræði. Þetta er meðal þess sem fram kemur í niðurstöðum PISA-könnunarinnar. Um 6% drengja hafa litla sem enga kunnáttu í stærðfræði en aðeins tæp 3% stúlkna. Júlíus K. Björnsson hjá Námsmatsstofnun segir muninn á stærðfræðigetu kynjanna hér á landi alfarið skýrast af því að mun fleiri strákar en stúlkur séu mjög illa staddir í faginu. Hins vegar séu enginn munur á stöðu kynjanna þegar eingöngu eru skoðaðir þeir sem standa mjög vel að vígi. Hann segir þann mikla mun sem kom fram á stærfræðikunnáttu stúlkna og drengja hér á landi í PISA-könnuninni ekki nýjan af nálinni, heldur hafi þetta verið svona árum saman.