Viðhald grills

Þrífa grillið að innan: Fjarlægðu lokið á grillinu, þ.e.a.s. eldunarflötinn og geislaplötu. Hreinsaðu grillið að innanverðu og botninn með grillhreinsilegi. Hreinsaðu fituna af glugganum þar til gerðum hreinsilegi og notaðu aðeins mjúkan klút. Skiptu um hitaendurkastara eftir þörfum. Eftir hverja notkun: Við notkun grills skal gæta sama hreinlætis og við notkun bakarofns, potta og panna. Grindurnar þarf að þrífa eftir hverja notkun og mikilvægt er að hreinsa reglulega fituna úr botninum svo ekki kvikni eldur þegar verið er að grilla. Gott ráð er að hafa grillið í gangi í 10 mínútur eftir að matreiðslu er lokið til að brenna fituna. Eldunarfletir: Krómaða fleti og keramikfleti er best að þrífa með sápuvatni. Brennarar og blendipípur: Nauðsynlegt er að hreinsa brennarann nokkrum sinnum yfir sumartímann. Stíflun í blendipípum getur valdið íkveikju. Slökktu tafarlaust á grillinu ef eldur kviknar í blendipípum. Hlífin: Notaðu hlífina yfir grillið þegar það er ekki í notkun. Ef grillið er geymt úti yfir veturinn er nauðsynlegt að nota hlífina svo það skemmist ekki í vonda veðrinu og umfram allt, endist lengur. Aðskildu kútinn frá grillinu: Ef þú geymir grillið innandyra er áríðandi að taka gaskútinn frá grillinu og geyma hann utandyra, þó ekki þar sem sól nær að skína beint á hann. Geymdu kútinn ekki í kjallara, óloftræstu rými eða nálægt eldfimum efnum. Fyrir veturinn er gott að hreinsa grindirnar, fjarlægja brenninn og bera á matarolíu. Þessa hluta grillsins er best að geyma innandyra þó grillið standi úti.