Ólafía skreið í gegnum niðurskurðinn

Ólafía Þórunn Kristinsdóttir, atvinnukylfingur úr GR, komst í gegnum niðurskurðinn á Marathon Classic mótinu sem er hluti af LPGA mótaröðinni í golfi.

Ólafía lék frábært golf á fyrsta hringnum í gær. Sex fuglar litu dagsins ljós hjá Ólafíu í gær en hún endaði að lokum þremur höggum undir pari á fyrsta hringnum í Ohio.

Hún var því í fínni stöðu fyrir hringinn í dag en fór brösuglega af stað. Hún fékk einn skolla og átta pör á fyrstu níu holunum svo þetta leit allt vel út.

Síðari níu holurnar byrjaði hún ekki vel því hún spilaði fyrstu sex holurnar á síðari níu á fjórum yfir pari.

Búin að koma sér í vandræði en endaði þó með því að leika hrigina tvo á samtals á einu höggi yfir pari. Það skilaði henni í gegnum niðurskurðinn.

Glæsilegt hjá Ólafía sem mun því leika á þriðja hringnum á morgun en útsendingin frá mótinu hefst klukkan 19.00 annað kvöld.