Falleg forsíða gladdi strákana okkar í Portúgal

Íslenska karlalandsliðið í handbolta er statt í Portúgal þar sem liðið mætir heimamönnum annað kvöld.

Strákarnir okkar lögðu Portúgal í Höllinni á sunnudag með þremur mörkum og reyna að verja það forskot á morgun. Takist það fer liðið á HM í Frakklandi í upphafi næsta árs. Ef Ísland vinnur leikinn þá verður Ísland búið að spila þrjá landsleiki gegn Portúgal á fimm dögum án þess að tapa.

Þeir horfðu að sjálfsögðu á leikinn hjá fótboltalandsliðinu í gær og klöppuðu fyrir íslenska liðinu í leikslok.

Markvörðurinn Björgvin Páll Gústavsson birti svo fallega mynd á Twitter í dag af forsíðu dagblaðs í Portúgal sem hreinlega gaf honum gæsahúð. Lái honum hver sem vill.

Þetta tók á móti manni í morgunmatnum hèr í Porto... Hef sjaldan fengið gæsahúð fyrir kl. 10:00. #emisland pic.twitter.com/g7sh3U4hXx

— Björgvin Gústavsson (@BjoggiGustavs) June 15, 2016