Byrjunar­lið Ís­lands: Fimm breytingar og Gylfi inn

Þeir fimm leikmenn sem detta út úr liðinu eru Aron Einar Gunnarsson, Arnór Sigurðsson, Andri Fannar Baldursson, Jón Dagur Þorsteinsson og Mikael Egill Ellertsson.

Þeir fyrstu fjórnefndu setjast á bekkinn en Mikael Egill er í leikbanni eftir að hafa fengið gult spjald í Laugardalnum á laugardaginn.

Guðlaugur Victor Pálsson, Stefán Teitur Þórðarson og Daníel Leó Grétarsson koma inn í varnarlínu Íslands frá Búlgaríu-leiknum og manna hana ásamt Herði Björgvin Magnússyni.

Mikael Neville Anderson spilaði bakvörð í byrjun leiks á laugardag en færði sig svo á kantinn og byrjar í kantstöðunni í dag. Hákon Arnar Haraldsson fer á hinn kantinn eftir að hafa spilað sem framherji/sóknartengiliður um daginn.

Gylfi Þór er á miðjunni ásamt Ísaki Bergmann og þá kemur Andri Lucas Guðjohnsen aftur í fremstu línu ásamt fyrirliðanum Orra Steini Óskarssyni.

Byrjunarlið Íslands:

• Markvörður: Hákon Rafn Valdimarsson
• Hægri bakvörður: Guðlaugur Victor Pálsson
• Vinstri bakvörður: Daníel Leó Grétarsson
• Miðvörður: Stefán Teitur Þórðarson
• Miðvörður: Hörður Björgvin Magnússon
• Hægri kantmaður: Mikael Neville Anderson
• Vinstri kantmaður: Hákon Arnar Haraldsson
• Miðjumaður: Gylfi Þór Sigurðsson
• Miðjumaður: Ísak Bergmann Jóhannesson
• Sóknarmaður: Andri Lucas Guðjohnsen
• Sóknarmaður: Orri Steinn Óskarsson (f)

Leikur Eistlands og Íslands hefst klukkan 18:45 og verður sýndur beint í opinni dagskrá á Sýn Sport. Bein útsending hefst klukkan 18:00.